2015年3月4日 星期三

第二次「被動放棄」成為外國公民的機會

3月1日我的美國綠卡到期, 因為結婚沒有去續, 放棄了綠卡, 就是順道放棄埋美國社會保障 (Social security), 身份證, 老年福利, 子女的教育等... 這是第二次我「被動放棄」成為外國公民的機會, 第一次是8年前我差一年就可拿到英國護照, 但不等就走去大陸工作. 這些決定, 身邊的人的反應兩極, 最幼稚的反應是做外國人有咩好? 美國這樣霸權! 大一點的人會問香港有咩好? 走得就走啦!最成熟的反應是覺得很可惜, 很多人爭都爭唔到, 你免費得到的機會, 因為結婚做工就放棄? 而且是兩次? 你就是不為自己打算都為下一代.

我想香港上年發生這些小事 (D人以為係大事), 日日講「民主自由」,「真普選」, 其實大部份人都唔係好知自己講緊D咩, 決定成為咩國家既人, 不單是有咩著數, 更是一種身份, 從出到外面國際是否比面? 是否為世界做了甚麼事可以自豪? 有甚麼品牌知名? 到國民比恐怖份子捉左, 政府有否能力從外交途徑交涉? 或出動特種部隊救人? 更甚是每日的權利, 義務, 稅收, 退休. 香港人以為自己選個特首就一天光晒, 最後只會發現事情不會跟他們所想變得更好.

如果一個政府無能, 不論是民選或委任, 結果都會十分慘情, 一班人民做唔到D咩出來, 都是一樣可憐. 這是能力問題, 不是方法問題. 我從來不覺選出來的就一定好, 甚麼人民就選出甚麼領導出來, 一班海盜就選出個海盜王, 一班好人就選出個聖人出來, 香港人普遍短視, 3分鐘熱度, 喜歡著數, 小事化大, 選出來的自然是個十分短視, 1分鐘熱度, 拿最大著數跟將事情放到無限大的人.

但我仍然對這個地方有希望, 希望不是來自這裡的香港人, 而是這個地方的基本因素真的十分好, 英國在這裡多年的建設及制度真的十分「硬淨」, 再差的人破壞都應該頂到很長的時間, 所以也不介意在這裡落地生根.

P.S. 一般人如果有得選擇, 當然會選做最霸權政府的國民. 人性就是喜歡支持弱者, 但揀在強者身邊支持.

P.P.S. 放棄都有好處, 唔需要再聽到某D「X街」,成日都捉住有外國護照既人講:「你講咩都得啦, 有事你可以隨時走! 你唔係香港人」我心諗你日日嘈, 其實都好想走, 只不過冇機會. 而家我絕對有資格叫佢:「兄弟,我有機會走都選擇留低,而家大家坐響同一條船,so can you shut the fxxk up and do something constructive now? Thank you.」

06/02/2020: REMOVE PIC